राैतहट ३१ असार
रौतहटको गरुडा नगरपालिका–९ गमरिया टोलका २८ वर्षीय गौतम कुमार सहनीले आफ्नै शरीरमा पेट्रोल छर्केर आगो लगाउँदा गम्भीर घाइते भएका छन् । प्रहरीका अनुसार उनको घाँटीदेखि तल करिब ३१.५ प्रतिशत शरीर जलेको छ। घाइते सहनीको प्रारम्भिक उपचार गरुडास्थित बेटर नेपाल अस्पतालमा गरिएको थियो । अवस्था मध्यम रहे पनि थप विशेषज्ञ उपचार आवश्यक भएकाले उनलाई कीर्तिपुर बर्न अस्पताल, काठमाडौं रिफर गरिएको प्रहरीले जनाएको छ ।
घटनाको कारण खुल्न बाँकी रहेको र यस सम्बन्धमा प्रहरीले थप अनुसन्धान गरिरहेको जनाएको छ ।
रौतहटमा युवाले शरीरमा पेट्रोल छर्केर आगो लगाए, काठमाडौं रिफर
