राैतहट २६ असार
संघीय सशर्त अनुदान अन्तर्गत चन्द्रपुर नगरपालिकाद्वारा चन्द्रपुर नगरपालिका–८, सन्तपुरस्थित सुबलाल भागवत उच्च माध्यमिक विद्यालय लाई सूचना तथा सञ्चार प्रविधि (ICT) कार्यक्रमका लागि आवश्यक सामग्री हस्तान्तरण गरिएको छ ।
विद्यालयमा प्रविधिमैत्री शिक्षण सिकाइलाई प्रभावकारी बनाउन निम्न सामग्री उपलब्ध गराइएको छ ।
जस अन्तर्गत ९ थान डेस्कटप कम्प्युटर , ३ थान प्रिन्टर , १ थान ल्यापटप , ४ थान सीसी क्यामेरा , १ थान स्मार्ट टिभी गरि १० लाख बराबरकाे सामग्री शुक्रबार हस्तान्तरण गरेकाे हाे । साे सामग्री हस्तान्तरणबाट विद्यालयमा सूचना प्रविधिमा आधारित शिक्षण प्रणालीलाई थप प्रभावकारी बनाउँदै विद्यार्थीहरूको सिकाइ अनुभव गुणस्तरीय बनाउन महत्वपूर्ण सहयोग पुग्ने अपेक्षा गरिएको छ।
चन्द्रपुर–८ स्थित श्री सुबलाल भागवत उच्च माध्यमिक विद्यालयलाई IKCT सामग्री हस्तान्तरण
