राैतहट गरुडाका २ बिद्यालयमा फर्निचरसहित विभिन्न सामग्री वितरण

राैतहट २१ पुस
राैतहट गरुडाका बिद्यालयमा फर्निचर तथा मेसिनरी सामानहरु आइतबार हस्तान्तरण गरिएकाे छ । गरुडा नगरपालिकाका २ वटा विद्यालयहरूमा नगर प्रमुख कन्थमनि प्रसाद जयसवाल स्वयम् पुगेर फर्निचर र मेसिनरी सामान हस्तान्तरण गर्नु भएकाे हाे । साे सामग्रीहरुसँगै विद्यार्थीहरूलाई स्कुल ब्याग समेत वितरण गर्नु भएकाे नगर प्रमुख जयसवालले जानकारी दिनु भयाे । गरुडा नगरपालिकाकाे वडा न.५ ठेठरहियामा अवस्थित जनज्योती आधारभुत बिद्यालय र गरुडा नगरपालिका वडा न.९ मा अवस्थित सहिद लालबाबु दास प्राथमिक बिद्यालयमा पुगी बेन्च, ब्याग, कम्प्युटर टेबुल , दराज , LED TV 50 inch, मिनी ट्रोली साउण्ड, बोर्ड , इन्भर्टर बैटरी, इन्भर्टर चार्जर, म्यात तथा कार्पेट लगायतका सामाग्री हस्तान्तरण गरेकाे नगरपालिकाले जनाएकाे छ । सामग्री वितरण गर्नु हुदै
नगर प्रमुख जयसवालले विद्यार्थीहरूको शिक्षामा सहजता हुने विश्वास ब्यक्त गर्नु भयाे । साेहि क्रममा शिक्षाको गुणस्तर सुधार गर्दै समृद्ध भविष्य निर्माणका लागि यस्ता कार्यक्रमहरू निरन्तर जारी रहने समेत जयसवालले बताउनु भयाे ।