रौतहट २८ मंसिर
रौतहटको कटहरियाका एक ब्यक्ति लागु औषध गाजासहित विरगंजबाट पक्राउ परेका छन । रौतहटको कटहरिया नगरपालिकाको वडा नम्बर २ का बर्ष ५५ का खेदु पासवानलाई गाजासहित पक्राउ गरेको जिल्ला प्रहरी कार्यालय पर्साले तराई पोष्टलाई जानकारी दिएको छ । पासवानलाई विरगंज महानगरपालिकाको वडा नम्बर ३२ परसवा गाउबाट गाजासहित नियन्त्रणमा लिइएको पर्सा प्रहरीले जनाएको छ । पछिल्लो समय भारतीय सिमा क्षेत्रबाट अबैध लागु औषधहरु ओसारपसार गर्ने क्रम बढ्दै गएपछि चेकजाचमा निगरानी बढाइएको जिल्ला प्रहरी कार्यालय पर्साले जनाएको छ । रौतहटका पासवान पनि शुक्रबार विरगंज महानगरपालिकाको वडा नम्बर ३२ परसवा गाउबाट गाजा लिएर आएको शंका लागेपछि प्रहरी चौकी मिलन चोकको गस्ति टोलीले चेकजाच गरेको थियो । सोही क्रममा रौतहट कटहरियाका खेदु पासवान पक्राउ परेको जनाइएको छ । पासवानलाई थप अनुसन्धान गरि कारवाही अगाडी बढाइएको बताइएको छ ।
रौतहटका पासवान गाजासहित विरगंजबाट पक्राउ
