राैतहट १० मंसिर
राैतहटकाे चन्द्रपुरकाे सन्तपुर मेलामा झैझगडा गरेका ६ जनालाई प्रहरीले पक्राउ गरेकाे छ । रौतहट चन्द्रपुर नगरपालिका वडा नं ८ सन्तपुर बजारमा प्रत्येक बर्ष लाग्दै आएकाे मेलामा २०८१।०८।०९ गते रातीको साढे १२ बजेको समयमा झैझगडा गर्दा बियरकाे बाेतलले समेत प्रहार भएकाे पाइएकाे प्रहरीले जनाएकाे छ । झगडालाई साम्य पार्न मेलामा सुरक्षा खटिएका प्रहरीले सम्झाई बुझाई गर्न खाेज्दा प्रहरीमाथी नै वादविवाद गरि झगडा गरेकाले पक्राउ गरि कारवाही अगाडि बढाइएकाे इलाका प्रहरी कार्यालय चन्द्रनिगाहपुरले जनाएकाे छ । पक्राउ पर्नेहरुमा रौतहट चन्द्रपुर नगरपालिकाकाे वडा नम्बर ४ का सौकत अंसारी , वडा नम्बर ९ का वर्ष २० को सागर चौधरी, वडा नम्बर २ वस्ने वर्ष २१ का प्रकाश वहादुर कटुवाल, वडा नम्बर ७ वस्ने वर्ष २१ को राजेश थापा मगर, साेही वडामा वस्ने अरूण राना मगर र गुजरा नगरपालिकाकाे वडा नम्बस २ वस्ने वर्ष २६ को सुजन तामाङ रहेकाे प्रहरीले जनाएकाेछ । उनीहरुले कुटपिट गरी बियरको बोतलले समेत प्रहार गरी रहेको अवस्थामा मेला सुरक्षामा खटिएको प्रहरी टोलीले प्रत्यक्षदर्शी रहेकाे जनाइएकाे छ । झगडालाई छुट्याउने तथा सम्झाई बुझाई गर्दा उल्टै शान्ति सुरक्षामा खटिएको प्रहरीसंग वादविवाद गरि मेलामा झै- झगडा, हुलहुजत गर्ने कार्यमा संलग्न निज व्यक्तिहरूलाई पक्राउ गरी अभद्र व्यवहार मुद्दामा मिति २०८१।०८।०९ गते दिन ७ को म्याद थप गरी अनुसन्धान कार्य भई रहेको ईलाका प्रहरी कार्यालय चन्द्रनिगाहपुरले जनाएकाे छ ।
राैतहटकाे सन्तपुर मेलामा झै- झगडा गर्ने ६ जना प्रहरीद्वारा पक्राउ
