सर्लाही ९ मंसिर
शनिबार सर्लाहीकाे बागमतिमा माेटरसाइकलले ठक्करबाट एक पुरुषकाे मृत्यु भएकाे छ । शनिवार साँझ पूर्व पश्चिम राजमार्ग स्थित बागमती नगरपालिका–११ स्थित श्री ५ महेन्द्र जनता माध्यामिक विद्यालय अगाडि मोटरसाइकलको ठक्करबाट सोही स्थानका ५५ वर्षका शिव थापाको मृत्यु भएको प्रहरीले जनाएकाे छ । मोटरसाइकलको ठक्करबाट गम्भिर घाइते भएका थापालाई उपचारको लागि हरिवन स्थित नमुना अस्पताल पुर्याएपछि चिकित्सकले मृत घोषणा गरेकाे जिल्ला प्रहरी कार्यालय सर्लाहीका प्रहरी नायब उपरीक्षक दीपक श्रेष्ठले जानकारी दिनु भयो । बाटो काट्दै गर्नु भएका थापालाई तीब्र गतिमा आएको बागमती प्रदेश ०२–०४५ प ३०४८ नम्बरको मोटरसाइकलले ठक्कर दिएको थियो । घटना लगतै मोटरसाइकल र चालक सिन्धुलीको हरिहरपुरगढी गाउँपालिका–८, बस्ने ३० वर्षका आयुष सिंजालीलाई इलाका प्रहरी कार्यालय हरिवनले नियन्त्रणमा लिएको छ । मृतकको शव अस्पतालमै रहेको र परीक्षणको लागि प्रादेशिक अस्पताल मलङ्गवा लगिएकाे प्रहरीले जनाएको छ । थप कार्वाहिका लागि अनुसन्धान गरिरहेकाे प्रहरीकाे भनाई रहेकाे छ ।
शनिबार सर्लाहीमा माेटरसाइकलकाे ठक्करबाट एककाे मृत्यु
