उपेन्द्र गाेले तामाङ
राैतहट १६ कार्तिक
राैतहटमा हात्ती आक्रमणबाट एक महिलाकाे ज्यान गएकाे छ । रौतहटको फतुवा-विजयपुर नगरपालिकाकाे वडा नम्बर ११ स्थित बुट्वा राङी गाउमा शुक्रबार बिहान जंगली हात्तीको आक्रमणमा परी साे महिलाको मृत्यु भएको छ । बिहान आफ्नै घरमा सुतिरहेकी महिलामाथी हात्तीले आक्रमण गर्दा महिलाको मृत्यु भएको हाे । मृतकका श्रीमान् भागेर ज्यान बचाउन सफल भएका पिडितले बतनएका छन । सुतिहेकाे अबस्थामा हात्तीले आक्रमण गर्दा ७० वर्षीया पातली तामाङको मृत्यु भएकाे प्रहरीले जनाएकाे छ । हात्तीले मृतकको घरमा पूर्ण रूपमा क्षति पुर्याएको छ । साे घटनास्थल पुगेका इलाका प्रहरी कार्यालय विजयपुरका प्रमुख इन्स्पेक्टर इन्द्रमणि अधिकारीले साे घटनाको पुष्टि गर्नु भएकाे छ । जंगली हात्तीले एक्कासि आक्रमण गर्दा मृतकका श्रीमान् भागेर ज्यान बचाएको अधिकारीकाे भनाई रहेकाे छ ।
घटनास्थलमा नेपाल प्रहरी, डिभिजन वन कार्यालय चन्द्रनिगाहपुर र सशस्त्र बेस क्याम्प विजयपुरको टोली पुगी घटनाबारे थप अनुसन्धान गरिरहेकाे प्रहरीले जनाएको छ ।
राैतहटमा हात्ती आक्रमणबाट एक महिलाकाे मृत्यु
