रौतहट, २ भदौं । वृन्दावन नगरपालिका वडा नम्बर १ मा दुर्गा पूजा खर्चको विषयलाई लिएर मेला समितिले लगाएको तालाबन्दी २५ दिनपछि खुलेको छ। शुक्रवार सहमति भएपछि आइतबारदेखि वडा कार्यालय पुनः सञ्चालनमा आएको हो।
दुर्गा पूजा सम्पन्न गरेपछि मेला समितिले वडा कार्यालयसँग रकम माग गरेको थियो, तर सो रकम समयमा नपाएपछि समितिले वडा कार्यालयमा तालाबन्दी गरेको थियो। नगर प्रमुख विनोदप्रसाद कुर्मी र मेला समितिका प्रतिनिधिहरूबीच भुक्तानी दिने सहमति भएपछि तालाबन्दी खोलिएको हो।
वडा कार्यालय खुलेपछि आइतबार एकै दिनमा १०० भन्दा बढी सर्वसाधारणले विभिन्न सेवाहरू प्राप्त गरेका छन्। वडा अध्यक्ष रामनाथ सहनीका अनुसार, वडामा सिफारिस पत्रदेखि अन्य प्रशासनिक सेवा लिन सर्वसाधारणहरूको भीड देखिएको थियो।
मेला समितिका सचिव अर्मिन्द्र पटेलले छिट्टै भुक्तानी पाउने सहमति भएपछि तालाबन्दी खोलिएको जानकारी दिएका छन्। वडा कार्यालय र मेला समितिबीच समन्वयको महत्त्वलाई पुनः उजागर गरेको छ।
