आज रवि लामिछाने रौतहट आउदै

चन्द्रपुर, ९ मंसिर । राष्ट्रिय स्वतन्त्र पार्टीका सभापति रवि लामिछाने आज रौतहट आउदै छ । चन्द्रपुरको सन्तपुरमा हुने वृहत खुल्ला सभाको तयारी पुरा भएको हो । राष्ट्रिय स्वतन्त्र पार्टीले खुल्ला सभालाई विशेष बनाउने गरी सन्तपुर स्थित मेला लाग्ने चौरमा तयारी गरेका छ्न । चन्द्रपुर नगर सभापति उदय सापकोटा (सुरेन) ले खुल्ला सभाका लागि हिजो साझ नै तयारी पुरा भईसकेको जानकारी दिए । खुल्ला सभालाई सम्बोधन गर्नका लागि शनिवार दिउँसो १ बजे पार्टीका सभापति रवी लामिछाने रौतहट आउने उनले बताए । पार्टी सभापति लामिछाने सहित सोविता गौतम, मनिष झा, अशोक चौधरी लगायतका केन्द्रीय नेताहरू रौतहट आउने तय भएको नगर सभापति सापकोटाले जानकारी दिएका छन् । (आज) मंसिर ९ गते चन्द्रपुर र गौरमा कार्यक्रम हुने उनको भनाई छ । गौरको राईस मिलमा शनिबार बिहान ११ बजे भेटघाट कार्यक्रम राखिएको राष्ट्रिय स्वतन्त्र पार्टी रौतहटले जनाएको छ । पार्टीको खुल्ला सभा तथा भेटघाट कार्यक्रमलाई सभ्य र भब्य बनाउने गरी कार्य योजना निर्माण गरीएको राष्ट्रिय स्वतन्त्र पार्टी मधेस प्रदेश प्रवक्ता रंजित रामले बताए ।