रौतहट २ कार्तिक
रौतहटको बृन्दावनबाट गैडाटारका सतावन धामीलाई काठ र ट्याक्टरसहित प्रहरीले पक्राउ गरेको छ । इलाका प्रहरी कार्यालय गरुडाबाट गएको गस्ति टोलीले बृन्दावन नगरपालिकाको वडा नम्बर ६ हर्षाहा चोकबाट निज धामीलाई ट्याक्टर र काठसहित पक्राउ गरेको इलाका प्रहरी कार्यालय गरुडाले जनाएको छ । चन्द्रपुर नगरपालिकाको वडा नम्बर ३ गैडाटार बर्ष २५ को ट्याक्टर चालक सतावन धामीलाई पक्राउ गरेको प्रहरीले जनाएको छ । धामीले ना.७ त ४३६८ नम्बर ट्याक्टर लोड गरिएको सालको गोलिया १६ थान बरामत गरेको बताइएको छ । उक्त गोलियाको मुल्य ११ लाख ९ हजार ३ सय ३६ रुपिया बराबर रहेको समेत प्रहरीले जनाएको छ । ट्याक्टरको मुल्य १० लाख सहित गरि २१ लाख मुल्य बराबरको सामान प्रहरीले बरामत गरेको जिल्ला प्रहरी कार्यालय रौतहटले जनाएको छ । सो ट्याक्टर काठसहित सतावन धामीलाई आवश्यक थप कारवाहीका लागी डिभिजन वन कार्यालय चन्द्रपुर रौतहटमा बुझाइएकाे जिल्ला प्रहरी कार्यालय रौतहटले जानकारी दिएको छ ।
रौतहटको बृन्दावनबाट गैडाटारका धामी पक्राउ
