काठमाडौं २८ फागुन
परराष्ट्र मन्त्रालयले इरानी ड्रोन आक्रमणका कारण संयुक्त अरब इमिरेट्स (युएई) मा १५ जना नेपाली नागरिक घाइते भएको जानकारी दिएको छ । बुधबार आयोजित पत्रकार सम्मेलनमा मन्त्रालयले उक्त विवरण सार्वजनिक गरेको हो ।
मन्त्रालयका सहसचिव रामजी खड्काका अनुसार आक्रमणमा परेका १५ मध्ये १४ जना नेपालीको उपचारपछि अवस्था सामान्य भइसकेको छ र उनीहरू काममा फर्किसकेका छन् । घाइतेहरू ड्रोन आक्रमणको क्रममा प्रभावित भएका थिए । उक्त घटनामा एक जना नेपाली नागरिकको भने ज्यान गएको मन्त्रालयले पुष्टि गरेको छ । मृतकको पहिचान र परिवारलाई सहयोगबारे सम्बन्धित निकायमार्फत आवश्यक प्रक्रिया अगाडि बढाइएको जनाइएको छ । परराष्ट्र मन्त्रालयले घाइते तथा प्रभावित नेपालीहरूको अवस्थाबारे निरन्तर अनुगमन गरिरहेको र आवश्यक सहयोगका लागि युएईस्थित नेपाली दूतावाससँग समन्वय भइरहेको जनाएको छ ।
इरानी ड्रोन आक्रमणमा युएईमा १५ नेपाली घाइते, १४ जना काममा फर्किए
