रौतहट ११ माघ
राैतहटकाे चन्द्रपुर अस्पताल प्रालिको प्राविधिक सहयोगमा जिल्ला ट्राफिक कार्यालय चन्द्रपुर, रौतहटमा कार्यरत सम्पूर्ण ट्राफिक प्रहरीको स्वास्थ्य परीक्षण कार्यक्रम आईतबार सम्पन्न भएको छ । साे कार्यक्रममा जिल्ला ट्राफिक कार्यालय चन्द्रपुरका प्रमुख राजेन्द्र थापा मगरको स्वास्थ्य परीक्षण गरिएको थियो । त्यसपछि क्रमशः अन्य दर्जाका ट्राफिक प्रहरी तथा ट्राफिक जवानहरूको पनि स्वास्थ्य जाँच गर्ने योजना अनुसार परीक्षण प्रक्रिया अगाडि बढाइएको थियाे । स्वास्थ्य परीक्षणका लागि खटिएको प्राविधिक टोलीमा चन्द्रपुर अस्पताल प्रालिका प्रमुख डा. सुवास चौधरीसहित डा. दीपक चौधरी, सुशील चौधरी र महेश चौधरी सहभागी थिए । टोलीले आज कार्यालयमै उपस्थित ट्राफिक प्रहरीहरूको स्वास्थ्य परीक्षण गरेको र बाँकीको परीक्षण चन्द्रपुर अस्पताल प्रालिमा गराइने व्यवस्था मिलाइएको जिल्ला ट्राफिक कार्यालय चन्द्रपुरका प्रमुख राजेन्द्र थापा मगरले जाजकारी दिनुभयो । कार्यक्रमले ट्राफिक प्रहरीहरूको स्वास्थ्य अवस्थाबारे समयमै जानकारी पाउन सहयोग पुग्ने तथा सेवामा थप सक्रियता र कार्य क्षमता वृद्धि हुने बताइएकाे छ ।
जिल्ला ट्राफिक कार्यालय चन्द्रपुरमा स्वास्थ्य परीक्षण कार्यक्रम
