उपेन्द्र गोले तामाङ
रौतहट २२ फाल्गुन
रौतहटको गरुडामा विहिबार मधेश प्रदेशका मुख्यामन्त्री सतिश कुमार सिँहले निजि अस्पतालहरुको छड्के अनुगमन गर्नु भएको छ । अनुगमनको क्रममा गरुडा र शिवनगरमा सञ्चालनमा रहेको १० अस्पतालहरुको अनुगमन गरेकोमा १० ओटै अस्पतालहरु मापदण्ड विपरित सञ्चालनमा रहेको पाइएपछि ति १० ओटै अस्पतालहरु बन्द गर्न मुख्यमन्त्रि सिँहले निर्देशन दिइएको मधेश प्रदेश सरकारले जनाएको छ । गैर कानुनी रुपमा सञ्चालनमा रहेका शिवनगरका आनन्द हस्पिटल एण्ड एक्युपञ्चर सेन्टर , गरुडाको अनामिका हस्पिटल , रोमा हस्पिटल, सरस्वती हस्पिटल , सनसिटि हस्पिटल , गरुडा अस्पताल प्राली , नेत्रज्योती हस्पिटल , होप हस्पिटल लगायतका १० ओटा अस्पताल बन्द गर्न सिँहले निर्देशन दिएको अनुगमन टोलीले तराई पोष्टलाई जानकारी दिनु भयो । विहिबार बन्द गराइएका गरुडाका ति १० अस्पतालहरुले मापदण्ड पुरा गरी सञ्चालनमा ल्याउन निर्देशन दिनु भएको छ । मापदण्ड पुरा नगरी अस्पताल सञ्चालनमा ल्याइएमा पक्राउ गरी कानुनी कारवाही गरिने समेत मुख्यमन्त्रि सिँहले बताउनु भयो ।
रौतहट गरुडाका १० निजि अस्पतालमा मुख्यमन्त्रिद्धारा अनुगमन ,अनाधिकृत १० ओटै बन्द गर्न निर्देशन
