राैतहट ४ मंसिर
रौतहटको चन्द्रपुरमा चन्द्रपुर मेयर कप टिट्वान्टि लिग क्रिकेट प्रतियोगिताको हुने भएकाे छ । २०८१ मंसिर ७ गतेदेखि १८ गतेसम्म चन्द्रपुर नगरपालिका वडा नम्बर ८ मा रहेको बेतौना कोटिहोम खेल मैदानमा साे प्रतियोगिताको सोमबार पत्रकार सम्मेलन गरि टाइसिट सार्वजनिक गरिएको छ । संघर्ष युवा क्लव चन्द्रपुरको आयोजना तथा चन्द्रपुर नगरपालिकाको मुख्य सहयोगमा आयोजना हुन गइरहेको सो प्रतियोगितामा रौतहटका ६ वटा पालिका र भारतको २ वटा टिमले सहभागिता जनाउने संयोजक देवराज कार्कीले तराई पाेष्टलाई जानकारी दिनुभयो । प्रतियोगिताको समुह ए मा चन्द्रपुर नगरपालिका, गौर नगरपालिका, यमुनामाई नगरपालिका र भारतको मुजफ्फरपुर तथा समुह बी मा गरुडा नगरपालिका, माधवनारायाण नगरपालिका , कटहरिया नगरपालिका र भारतको पटनाको टिम रहेको कार्कीले बताउनु भयाे । प्रतियोगिताको पहिलो खेल मंसिर ७ गते चन्द्रपुर नगरपालिका र गौर नगरपालिका बीच हुने र १७ गते फाइनल हुने कार्कीले तराई पाेष्टलाई बताउनु भयाे ।जनकपुर बोल्ट सहप्रायोजक रहेको सो प्रतियोगिताको विजेता, उपविजेता, म्यानअफ द म्याच, म्यान अफ द सिरिजका विजेताहरुलाई नगद सहित ट्रफीको व्यवस्था गरिएको र सबै खेलहरुको प्रत्यक्ष प्रशारण राष्ट्रिय टेलिभिजन, युट्युव, फेसबुकमा हेर्न सकिने संयोजक कार्कीले जानकारी दिनु भयाे । पत्रकार सम्मेलनमा रौतहट जिल्ला क्रिकेट संघका अध्यक्ष पवन साह , सदस्य गौतम श्रेष्ठ लगायतको उपस्थिती जनाएका थिए ।
चन्द्रनिगाहपुरमा मेयर कप क्रिकेट प्रतियोगिता मंसिर ७ बाट हुने
